Холивудските студија со кои потпишувале строги договори ги принудувале на двоен живот во кој имало место само за жени, во повеќето случаи оние што студиото би ги избрало за нив.
Така, на почетокот на 60-тите години, Рок Хадсон дојде на премиерите и на церемониите на доделување на наградите, рака под рака со разни убавици, но и во друштво на своето момче, кое имаше и женска придружба.
„Никој со грам интелигенција во главата тогаш не „излегуваше од ормарот“. Тоа беше смрт за кариера. Сите се преправавме дека сме хетеросексуалци. Еднаш се сретнавме со Пол Њуман и неговата сопруга Џоан Вудворд на премиерата. На неговото лице прочитав дека тој знаеше како Рок и јас сме тука заедно. Сите се смеевме за тоа“, откри Ли Гарлингтон, за кого Хадсон своевремено рече дека е љубовта на неговиот живот.
Во средината на 1950-тите, списанието „Confidential“ му соопшти на агентот на Хадсон Хенри Вилсон дека ќе објави приказна за неговата хомосексуалност, но Вилсон успеа да го запре објавувањето откривајќи доверливи информации за неговите други двајца клиенти.
Еден од нив беше Хаб Хантер. Русокосиот и плавоок убавец беше една од првите големи тинејџерски sвезди во САД, слика на згодно момче од соседството и симбол на американската мажественост.
Во екот на неговата кариера, медиумите пишуваа за неговите односи со Натали Вуд и Деби Рејнолдс, но Таб подоцна во документарецот „Таб Хантер конфиденшл“ откри како се местеле тие односи. Тој беше хомосексуалец во време кога холивудската машинерија беше непријателски расположена кон хомосексуалците. Тој исто така мораше да ја скрие својата сексуалност, како и врските со актерот Ентони Перкинс и клизачот Рони Робертсон.
Кери Грант и Рендолф Скот ја криеја и својата врска. Познатите актери се запознаа во 1932 година на снимањето на филмот „Жешка сабота“. Набргу потоа, тие започнаа да живеат заедно и 12 години споделија куќа во Санта Моника и резиденција во Лос Анџелес.
Студијата Парамаунт му наредиле на Грант да се омажи за Вирџинија Шерил во 1934 година, но бракот траеше само 13 месеци и Кери се врати во соживот со Скот.
Еден од ретките актери кој не криеше дека го привлекуваат и мажи беше Марлон Брандо. Холивудската урбана легенда вели дека тој ги отфрлил Софија Лорен и Елизабет Тејлор, но не и Рок Хадсон и Џејмс Дин.
“Исто како и многу мажи, имав хомосексуални искуства. Не се срамам од тоа. Никогаш не сум обрнувал многу внимание на тоа што мислат луѓето за мене, но ако има некој што е убеден дека Џек Николсон и јас сме љубовници – нека продолжат, тие веруваат во тоа. Забавно ми е“, рече Брандо во едно интервју во 1976 година.
