Едноставни комбинации за стилски изглед.
Нема да се умориме од повторување дека кожните панталони се новите фармерки. Тие се разноврсни, практични, стануваат сè поубави со возраста, па дури и најздодевниот изглед го претвораат во модерен изглед достоен за хроника на уличен стил.
По пример на хероина во стрит стил, откриваме како да носите кожни панталони на најмодерен начин. Погледнете ги во галеријата.
СО КАПУТ
Кожа е совршен материјал за есенската и зимската сезона. Треба да се напомене дека кожните панталони се чистат многу лесно, што е одлично, бидејќи тротоарите наскоро ќе бидат покриени со мокар валкан снег. Да не заборавиме и дека на кожата не и треба миење и сушење. Затоа, таквите панталони може да се носат во комбинација со зимски капут до пролет без никакви грижи.
СО БЕЛА КОШУЛА
Со кожни панталони можете да создадете безвременски класичен „бел горен дел – црн долен“, или можете да експериментирате. Бидејќи со бела кошула можете да комбинирате што сакате, можете да изберете панталони во боја или модели со декор .
СО ЏЕМПЕР
Поради својата уникатна текстура, кожата може да го трансформира дури и едноставниот црн џemper. Ѕвездите на стрит стилот ги испробаа сите комбинации со најразновидните трикотажи: ролки, преголеми џемпери, кардигани … Сите опции се многу добри.
СО БЛЕЈЗЕР
Супермоделите ја сакаат оваа комбинација. Можеби дури и ќе се чувствувате како Џиџи Хадид кога ќе се упатите кон канцеларијата. Блејзерот во комбинација со рамни или широки кожни панталони одлично се вклопува во деловниот кодекс на облекување. Подобро е да се даде предност на “мирни” бои – сива, црна или кафеава.
СО КОЖА
Ако ги испробавте сите горенаведени опции, следниот чекор е кожнен тотал изглед. Единственото основно правило е да не се мешаат различни текстури и тонови на кожата. Најбезбедна опција е црна јакна и црни панталони. Во најмала рака, ќе се чувствувате како Catwoman!
