Ниту еден стајлинг не е комплетен без соодветните модни додатоци, а оваа сезона оние во злато владеат суверено на тронот.
Обетки, ѓердани, нараквици и ланци веднаш ја подигнуваат дури и наједноставната комбинација на облека и и даваат доза на луксуз, без оглед на тоа кој од горенаведените ќе изберете.
Кога станува збор за модните додатоци, наесен важи правилото „повеќе е повеќе“, а понудата за накит никогаш не била поубава и поразновидна.
Судејќи според колекциите на реномирани модни куќи, но и изборот на светски трендсетерки и познати дами, во наредните месеци на врвот на листата на најпосакувани детали ќе бидат оние изработени од позлатен метал.
Масивниот накит е неоспорен тренд кој владее на улиците на модните метрополи веќе некое време, а оваа есен се носи сè – од впечатливи ѓердани преку серија нараквици до обесени обетки.
Покрај накитот, оваа есен продолжува и трендот на ланецот во улога на ремен, кој се носи во лежерни и празнични прилики.
Без оглед дали претпочитате минималистички стил на облека или сте поддржувач на кич, масивниот златен накит идеално ќе се вклопи во сечиј стил и без многу напор, секое парче облека ќе го направи посебно.
