Многу луѓе ширум светот внимателно ги следеа претседателските избори во САД, но се чини дека Џо Бајден нема да биде единствениот со Овална канцеларија…
Всушност, дали знаевте дека постои идентична реплика на историска просторија преку океанот, во една врвна зграда во Лондон, во која е продаден еден пентхаус по цена од 184 милиони долари. Зошто постои овална канцеларија во Лондон, прашувате? Па, како што дознаваме, оваа зграда ја играла улогата на американската амбасада од 1938 до 1960 година – Џозеф П. Кенеди бил амбасадор две години. Тој, наводно, конструирал копија на Овалната канцеларија за да го инспирира неговиот син да се впушти во светот на политиката, иако тоа всушност го сторил неговиот помлад брат, Џон Кенеди.
Претприемачот кој работел на оваа зграда решил да чува копија од Овалната канцеларија, но ја преместил така што сега се наоѓа на заеднички простор, близу влезот. Ова значи дека, за разлика од претседателот на САД, новиот сопственик на извонредниот пентхаусот ќе мора да го сподели тој простор со другите станари.
Засега не откривме кој е купувачот на овој пентхаус, но знаеме дека покрај резиденцијата на последниот кат, тој купи и две помали станбени единици подолу, со план да се создаде еден огромен дом од 1.500 квадратни метри. Покрај овалната соба, сопственикот ќе има пристап до голем број други удобности, како што се теретана, приватен спа центар, базен, ложа и кино.
Секако, имајќи ја предвид цената од 184 милиони долари, овој пентхаус е најскап за продажба оваа година во Лондон. Сè уште е половина поефтин од Белата куќа, која беше проценета на 400 милиони долари пред три години.
