Карл Лагерфелд отсекогаш бил легенда во светот на модата и дизајнот, а неговото милениче Шупет исто така се прослави на некој начин…
Списокот на нејзините достигнувања и соработките што ги има зад себе е многу поголем во однос на оној што го имаат обичните луѓе. Набргу откако за прв пат била забележана во друштво на познатиот дизајнер, Шупет мачката лансирала серијал на елегантни додатоци. Една година подоцна, јапонскиот бренд за убавина, Shu Uemura, ја ангажирале мачката за својата празнична кампања.
Шупет е ѕвезда и на календарот Opel Corse за 2015 година, додека рекламирала плишани играчки од Steiff. Минатата година единствениот наследник на богатството на Лагерфелд подари маици со натписи „Кајзерот е мртов, да живее Шупет“, со цел да ја прослави нераскинливата врска меѓу двајца.
Најновите вести од животот на славното маче ќе воодушеват многу луѓе – таа само се здружи со брендот LucyBalu, чие седиште е сместено во Минхен, и специјализира во мебел за животни. Шупет и познатиот бренд заедно ќе претстават обесен кревет за мачки, што ќе биде ограничено издание. Мачката наводно одобрила прототип дизајн кој и бил доставен преку нејзиниот агент, а врз основа на нејзината реакција била создадена колекција ограничена на само 1.000 модели, наречена LucyBalu x Choupette.
Дизајнерот на брендот за мебел, Себастијан Франк, изјави: „Чест ни е што имаме можност тесно да соработуваме со Шупет. Ние бевме првите луѓе кои добија можност да ја фотографираат и снимаат во нејзиниот дом и не е доволно да се каже дека со нетрпение очекуваме продолжување на соработката“.
Како што дознаваме, креветите за мачки LucyBalu x Choupette се направени од филц од природна волна што ја задржува топлината и ги апсорбира мирисите. Основата на креветот е изработена од метал, додека нејзината ширина е 65 см и е погодна за мачки со тежина до 15 килограми. Цената на едно креветче ќе биде 195 долари.
