Откако раскинала пред четири години со 56-годишниот Бред Пит, со кого има шест деца од 11-годишна врска, 45-годишната актерка и хуманитарка Анџелина Џоли, во неколку наврати била во врска со разни холивудски мажи. Сепак, и покрај различните написи, никогаш немало официјални докази за наводните романси, а порталот „Gossip Cop“ сега пишува за една интересна шпекулација, анализирајќи што се случило со наводната врска помеѓу Анџелина Џоли и каскадерот Ксавиер Лејк.
Имено, списанието „Woman’s Day“ минатата година во ова време објави информации за јавноста дека ѕвездата на филмот „Maleficent: Mistress of Evil“ ужива во нова романса со атрактивниот каскадер што го запозна со снимањето на филмот „Marvel The Eternals“. Како што напишаа во тоа време, каскадерот ја освоил актерката со неговиот неодолив изглед и заеднички интереси, иако 45-годишната Џоли, според медиумите, не била сигурна дали сака да започне нова врска среде развод, таа уживала во фактот дека некој ѝ ја вратил насмевка на лицето.
Откако овие информации стигнаа до јавноста, многу медиуми продолжија да пишуваат за неверојатната хемија меѓу двајцата, а некои отидоа дотаму што го очекуваа официјалното објавување на врската. Сепак, една година подоцна, јасно е дека врската помеѓу Анџелина Џоли и каскадерот Ксавиер Лејк никогаш не се случила. Освен што никогаш порано не биле снимани заедно, Ксавиер е во среќна нова врска со Елена Фотис, за што сведочат и заеднички фотографии на нивните профили на социјалните мрежи, додека единствената друштво во која е фатена Анџелина се нејзините деца – 12-годишните близначки Вивиен и Нокс, 14-годишната Шајло, 15-годишната Захара, 16-годишниот Пакс и 19-годишниот Медокс.
