Луѓето кои живеат во зеленило имаат помала веројатност да започнат или да продолжат со пушење, покажа новото истражување.
Студија, во кои биле вклучени 8.000 Британци, го поврзале пристапот зеленило со помала шанса за пушење и поголема можност за откажување.
Луѓето кои пушеле во одреден момент од животот имаат 12 проценти поголема веројатност да се откажат од пушењето, ако живеат во близина на зеленило, покажува студијата објавена во списанието Social Science & Medicine. Истражувањето е спроведено од универзитетите во Плимут, Ексетер и Виена. Резултатите се потврдени дури и откако биле земени предвид социо-економските аспекти на испитаниците.
Претходните истражувања на истите институции откриле дека погледот кон природата и зеленилото ја намалува потребата од алкохол, цигари и нездрава храна. Докажано е и дека гледањето во природа го намалува нивото на стрес и го зголемува чувството на задоволство.
Новата студија е прва што експлицитно поврзува „поголем процент на зелена боја и намалување на нездравото однесување“, изјави психологот Сабине Пал, коавтор на студијата од Универзитетот во Виена. Научниците тврдат дека зголемувањето на зелениот простор може да биде ефективна стратегија за јавно здравје и може да помогне да се намали уделот на пушачи во општеството.
