Ви ја претставуваме колекцијата FW 20 | 21 наречена „CHECKMATE“, која носи енергија на женственост, елеганција и удобност, претставена во поинаква и препознатлива форма од Ателјето Будоар. При изборот на материјали во колекцијата „Checkmate“, Ателјето Будоар остана доследно да нуди највисок квалитет, претежно природни материјали, како што се свила, волна, памук, брокат … Колекцијата содржи 14 изгледи, од кои два тренч мантили во боја на слонова коска и топли беж нијанси, како и неизбежните Будоар одела, кошули и фустани изработени од најдобра свила во различни текстури. Мантилите се водоотпорни и ја одржуваат топлината на телото. Детали за везови и метални персонализирани будоарски копчиња во златно-розово и металик нијанси ја красат целата колекција.
