Без сол, повеќето луѓе не можат да замислат оброк, но со овој зачин треба да бидете умерени. Неопходно е да се земе сол за да може организмот да функционира нормално, но ако се надмине препорачаната доза, може да се појават разни компликации.
Препорачливо е да се земаат до 6 грама во текот на денот, што е приближно една рамна лажичка.
Еве што се случува кога ќе внесеме повеќе од тоа:
Вишокот сол во телото се врзува за водата во крвта, правејќи ја крвта подебела, што потоа ја отежнува циркулацијата, бидејќи срцето мора да „пумпа“ побрзо и посилно. Како резултат, се јавува висок крвен притисок, и колку е повисок, толку повеќе се напнуваат срцето, артериите, бубрезите и мозокот.
Ова може да доведе до срцев удар, деменција и проблеми со бубрезите.
Артериите се згуснуваат, што може да биде особено опасно ако се веќе затнати. Зголемениот притисок може да предизвика и ангина пекторис, бидејќи во тој случај, недоволно кислород не стигнува до срцевите клетки.
Прекумерното внесување сол има штетно влијание и врз мозокот, бидејќи циркулацијата е ослабена, што со текот на времето доведува до деменција и други болести.
Ако јадете многу солена храна и ви е препишана диуретична терапија, имајте на ум дека тие ќе ја намалат ефикасноста на лековите.
Поради акумулација на вода, лицето станува отечено. Најчести се темните кругови кои му даваат на лицето уморен изглед.
