Блејк Лајвли и сопругот Рајан Рејнолдс објавија навидум идентична фотографија на Инстаграм дека сакаат да ги мотивираат своите следбеници да гласаат на изборите во САД, што се опасно близу. Но, искусното око на обожавателите забележа една разлика – Блејк на својата фотографија нацрта сандали, за кои првично позираше боса. И не само каков било вид, туку и штикли од Louboutin!
Како што обично се случува, социјалните мрежи се преполнија со објавувања и свои обиди да „создадат“ чевли со препознатливиот црвен ѓон, а самата Блејк се пошегува на свој трошок и му ги понуди на Louboutin своите услуги за дизајн. Случаен гаф или маркетинг трик, т.н. „Shoegate“ секако придонесе за видливоста на пораката за важноста на гласањето на претстојните избори во САД.
