Калифорнискиот start-up Zero Labs си поставиле занимлива цел, да ги трансформира класиците на американската автомобилска индустрија, а моделот Bronco од Ford бил меѓу првите „на тапет“. Направен е од челик, набавен од фабрика на Ford, а најголемата предност е што е електричен. Иако овој теренец е сè уште во производство, дизајнерите од Zero Labs одлучија да ја реинтерпретираат првата генерација на тој автомобил, која датира од 1966 година. Повеќе од 1.000 нови делови се рачно собрани и ласерски порамнети, а „лименото милениче“ е дополнително обележано со ретро дизајн.
Едноставните линии на каросеријата немаат детали и се насликани во зелена и бела боја на нане, за целосен винтиџ ефект, а меѓу другото, автомобилот е опремен со батерија од 70 kWh, што значи дека може да помине приближно 300 километри пред да застанете за електрично полнење. Внатрешноста на оваа неодолива Bronca, која може да се пофали со 600 коњски сили, е рачно изработена од дрво и обична или веганска кожа што е украсена и со волан во ретро стил.
Автомобилите се направени само по нарачка и може да се нарачаат преку веб-страницата на Zero Labs. Постојат делови што можат да бидат персонализирани, а почетната цена на овој модел е 185 илјади американски долари. Душата од минатото, комбинирана со технологијата на иднината, го прави овој автомобил примамлива опција за еколошките олдтајмери. Кој рече дека луксузот мора да биде штетен за природата околу нас?
