На актерката и ѕвезда на серијата „Беверли Хилс 90210“ и „Charmed“, Шанен Доерти, во март 2015 година, животот ѝ се смени целосно. Таа беше дијагностицирана со рак на дојка, а канцерогените клетки подоцна се проширија на лимфните јазли, но тогаш ја доби таа битка. Сепак, во февруари годинава откри дека болеста се вратила и е во четврта фаза, а актерката минува низ многу тежок период. Сепак, таа не е сама во оваа борба, а насмевката на лицето од ден на ден ја враќа нејзиниот сопруг, 46-годишниот продуцент Курт Исвариенко.
Двојката се обврза на доживотна љубов пред девет години, а Шанен по тој повод и посвети објава на социјалната мрежа на нејзиниот сакан. Таа објави фотографија на Инстаграм на која се смешка со Курт, покрај која напиша: ‘Ти секогаш ќе бидеш мојот каубој. Те сакам. Среќна годишнина’. Вчерашниот ден на оваа двојка го одбележаа љубов и позитивни мисли, а американските медиуми пишуваат дека Курт годинава имал посебен подарок за својата драга сопруга.
‘Ја разбудил со 101 прекрасна бела роза. Тој ѝ го купил омиленото чоколадо и и рече дека така треба да го започне денот. Кога станала и отишла во кујната, ја пречека албум во кој Курт ги сумирал нивните девет години. Потоа и рекол да му донесе млеко од фрижидерот и таа таму нашла прекрасен ѓердан во кој тој имал врежано „Те сакам“. Тој навистина се потруди затоа што е свесен дека можеби ова е последна годишнина од нивната венчавка “, открил извор за американските медиуми.
