Иако е добро позната обожавателка на здрава исхрана, чии диети и невообичаени навики во исхраната честопати ги покриваат медиумите, поранешната Спајс-девојка, 45-годишната Викторија Бекам, одвреме-навреме „прави грев“ со некои вкусни задоволства. Иако тоа не може да се каже со оглед на нејзината екстремно витка линија, едно од омилените слатки задоволства на Викторија Бекам, кое редовно им го подготвува на своите најблиски, се популарните брауни колачи. Во интервју за списанието „Пипл“, модната дизајнерка еднаш откри рецепт за своите брауни, со кој пред неколку години го прослави својот 40-ти роденден.
Состојки:
1 чаша путер, стопен
2 чаши шеќер
½ чаши незасладено какао во прав
4 големи јајца, лесно изматени
1 лажичка екстракт од ванила
1½ чаши универзално брашно
½ лажички прашок за пециво
½ лажички сол
Подготовка: 1. Загрејте ја рерната на 350˚. Измешајте стопен путер, шеќер и какао. Додадете јајца и ванила, мешајќи додека не се соединат. Комбинирајте брашно и преостанатите состојки; промешајте ја смесата со какао. Истурете во лесно подмачкан сад од 13 х 9 инчи обложен со алуминиумска фолија.
2. Печете на 350˚ 20 до 25 минути. Ставете го во фрижидер 1 час. Извадете го колачот од тавата и рамномерно исечете го на 20 квадрати.
