Џеси Катајама допатувал во Перу уште од март, но Мачу Пикчу беше затворен поради пандемијата на коронавирус. Перуанскиот министер за култура Алехандро Неира изјави дека Катајама доби дозвола за пристап откако испрати специјално барање. Јапонецот првично требал да помине само неколку дена во Перу, но останал значително подолго поради забраната за патување. Сепак, тој ја постигнал својата цел минатиот викенд благодарение на добрата волја на перуанските власти.
Мачу Пикчу е од ерата на Инките и е популарна туристичка атракција. Се очекува да биде отворен за јавноста во ноември, но бројот на посетители ќе биде ограничен.
Перу потврди повеќе од 849.000 случаи на инфекција од почетокот на пандемијата на коронавирусот, а како резултат на тоа починале 33.000 лица.
