Ако сте страствен љубител на мотоцикли и барате еколошки начин за возење низ градот, најновата понуда на Urbet може да ги задоволи сите ваши потреби…
Наречен Urbet Ego, овој мотор е најинтересниот скутер на светот, а станува збор за електричен мопед со заоблено, монолитно тело, што дефинитивно ќе го привлече вниманието на секоја личност што ќе го види. Компанијата што го произведува, Урбет, всушност е старт-ап од Шпанија, основана во 2016 година и за кратки четири години, тие успеаја да му покажат на целиот свет дека сакаат да прават различни работи поинаку. Тие сакаа да го дизајнираат врвниот електричен скутер за урбани потреби, комбинирајќи го класичниот изглед на мопед, со футуристички дизајн на café racer.
На тој начин се роди Urbet Ego, уникатен електричен скутер со необично монолитно тело, комплетиран со естетски распоредени заковки и интересна суспензија со двојно стожерно лежиште. Неговата специфична форма особено го нагласува импресивниот електричен мотор со ефикасни перформанси и управување, идеален за живот во градот.
Уникатниот изглед на моторот дополнително се истакнува со помош на тркала, кои делуваат како да ги надминуваат крилјата на каросеријата, а се поврзани со делумно отворена подрамка. Под своето монолитно тело, Urbet Ego крие електричен мотор од 3.000 вати, поврзан со литиумска батерија од 72 волти, што може да ви понуди пристоен опсег од 120 километри на полнење.
Батеријата може да се наполни целосно за седум часа, додека максималната брзина на скутерот е 90 километри на час, што, ќе признаете, е повеќе од доволно за возење во град. Ако сте загрижени дека пешаците нема да ве слушнат поради вашиот тивок мотор, знајте дека овој модел доаѓа со интегриран звучник, кој го имитира традиционалниот звук на моторот.
