Презентирајќи ја новата колекција машки костуми на Гучи, легендарниот режисер, Хармони Корин, ги фотографираше креативното трио – Tyler, The Creator, A$AP Rocky и Iggy Pop.
Тројцата музичари ги носеа најновите парчиња Гучи, позирајќи во модернистичка вила во Лос Анџелес. Серија фотографии и придружното видео го покажуваат Iggy Pop во костум на леопард, додека Tyler, The Creator носи зелен волнен елек и елегантни златни очила. А A$AP Rocky нè запозна со нова чанта и одело, додека папагалот на Iggy Pop, Bigi Pop, седна на неговото рамо.
„Со помош на овие кампањи, работам на сосема различни прикази на елеганцијата, и овие тројца се совршено олицетворение на таа приказна“, рече креативниот директор на брендот Гучи, Алесандро Микеле. „Сакам да ја раскажам приказната за елеганцијата на целосно произволни и необични начини. Можеби елеганцијата е нешто што е насекаде околу нас, за кое не сте ни подготвени. Машката елеганција навистина може да биде непредвидлива и чудна “, додаде тој.
