Љубовната приказна која е една од најконтроверзните од самиот почеток е секако онаа на британскиот принц Чарлс и неговата сопруга Камила Паркер. Тие ја започнаа својата романса преку прељуба, бидејќи принцот во тоа време сè уште беше со покојната принцеза Дајана, поради што Камила и денес се соочува со јавна осуда. Според магазинот „Глоуб“, нивниот брак е пред распад, а сè беше спонзорирано од кралицата Елизабета, која му нареди на нејзиниот син да ги достави документите за развод.
Според нивните обвинувања и зборовите на анонимен извор, кралицата сака да ги реши сите скандали пред да умре. Иако принцот Чарлс го молел судот оваа постапка да биде строго доверлива и подалеку од очите на јавноста, се чини дека нешто тргна наопаку. „Тој сакаше да го избегне овој скандал и срам“, опиша изворот, без да открие многу детали. Иако семејството официјално не го објави тоа, многумина сè уште навиваат за заминувањето на Камила.
Ова е поткрепено со сторијата од пред неколку месеци, кога британските медиуми објавија дека нивниот брак е нелегален. Тогаш таблоидите тврдеа дека бракот претставува кршење на законот од 19 век според кој бракот треба да се склучува на церемонија пропишана од Англиската црква, но тоа не беше сторено. Судијата, пишуваат тие, пресудил дека Чарлс го прекршил законот.
Неодамна дури се шушкаше дека заедно го напуштиле кралскиот двор и отишле во Италија. Имено, беше напишано дека Чарлс и неговата сопруга Камила Паркер се уморни од чекање за круната и дека имаат намера трајно да се преселат во Италија и да му ја препуштат круната на принцот Вилијам еден ден кога кралицата Елизабета ќе почине или ќе се повлече од тронот. Што всушност ќе се случи со овој контроверзен пар, останува да видиме.
