Серијата „Игра на тронови“ наиде на негативни критики во последната сезона. Сепак, дури и тогаш, светла точка беше актерката Емилија Кларк. Во едно неодамнешно интервју, таа зборуваше за сериозните здравствени проблеми што ги имала за време на снимањето.
Имено, за време на снимањето на 1-та сезона, Емилија Кларк, која ја толкуваше познатата улогата на Денерис Таргериен, на самиот сет ѝ се појавила болна хеморагија на мозокот – внатрешно крварење познато и како мозочен удар, поради што морала да се оперира.
Додека ги снимале сцените од 2-та сезона, таа со голем страв се плашела дека може да се повтори мозочното крварење.
“Беше лудо. Бевме во пустина, во каменолом, во топлина од 33 степени и цело време мислев дека повторно ќе доживеам мозочен удар. Цело време се прашував” Дали ќе умрам? Дали ќе се случи на сет? Само се обидував тоа да не се забележи на снимањето“, изјави британската актерка за Entertainment Weekly.
“Се плашевме за неа. Таа е толку храбра, бидејќи тоа никогаш не влијаеше на нејзината посветеност на работата”, објасни Алан Тејлор, кој ја режираше епизодата снимена во пустината.
И Ден Вајс, продуцентот, бил загрижен за нејзиниот живот.
„Беше страшно, затоа што оваа неверојатна, слатка, прекрасена личност скоро веќе да не беше со нас – оваа прекрасна дама што толку многу ја сакавме можеше да не напушти по една година“, објасни Вајс.
