Честопати, потребниот внес на важни минерали не може да се постигне преку диета.
Деновиве, честопати се наоѓаме во дилема дали внесуваме доволно минерали и витамини во нашето тело, кои се неопходни за зајакнување на имунитетот и зачувување на здравјето. Здравата исхрана ни помага да се заштитиме, но поради прекумерната изложеност на разни стресори и негативните надворешни влијанија, честопати е потребно да го снабдуваме нашето тело со дополнителни минерали. Покрај бројните совети поврзани со здравиот начин на живот, почесто и почесто може да се слушнат препораките на експертите за зголемената потреба за земање комбинација на минерали цинк и селен и цинк и магнезиум, кои го штитат нашиот имунитет.
Цинк
Цинкот е еден од најважните минерали и има повеќекратна улога во правилното спроведување на различните процеси во нашето тело. Покрај тоа што помага во борбата против инфекциите, тој учествува во изградбата на нови клетки, што го прави неприкосновен сојузник во зајакнувањето на имунитетот. Бидејќи позитивно влијае на работата на сите органи, правилното дозирање придонесува за виталноста на организмот. Потребните количини на оваа хранлива материја варираат и зависат од возраста и полот. Препорачаната дневна доза за жени е до 8 mg, додека кај возрасни мажи доволно е 11 mg.
Селен
Селенот е моќен антиоксиданс кој има имуностимулативно дејство. Неговата примарна улога е да ја зајакне одбраната на организмот, поради што е клучен елемент во зајакнувањето на имунитетот. Покрај тоа, селенот е многу важен во превенцијата на многу болести, и има значителен антивирусен ефект.
Препорачаните дневни дози на овој минерал за возрасни се од 55 до 75 мг, додека во превенцијата и третманот на болеста се препорачуваат од 100 до 200 мг селен.
Магнезиум
Магнезиумот е неопходен минерал кој е вклучен во повеќе од 300 процеси во нашето тело, исклучително важен во создавањето на енергијата неопходна за функционирање на човечкото тело. Придонесува за нормална функција на мускулите и нервниот систем, го зајакнува метаболизмот, како и го намалува чувството на замор и исцрпеност.
И покрај неговата важност, интересно е тоа што околу 60% од возрасните не добиваат доволно магнезиум, што се манифестира со замор, гадење, слаба концентрација, како и чувство на слабост во мускулите и коските. На возрасен, здрав маж му требаат 420 мг магнезиум на ден, а на возрасна здрава жена 320 мг.
Минерални комбинации за силен имунитет
Овие есенцијални минерали придонесуваат за одбрана од разни вируси, што е особено важно сега, кога е неопходен силен имунитет за да се зачуваме и заштитиме. Така, цинкот и селенот нè штитат од инфекции кои влијаат на нашиот дигестивен систем, органите за дишење, кожата и меките ткива. Исто така, овие минерали помагаат во нормалното функционирање на антиоксидантните системи кои се борат против штетните ефекти на слободните радикали во нашето тело. Комбинацијата на цинк и магнезиум придонесува за правилно функционирање на сите системи во организмот, особено на кардиоваскуларниот, коскениот и нервниот систем. Со соодветна хидратација, дневниот внес на овие хранливи материи помага во спречување на воспаленија и обезбедува силен имунитет. Слушајте ги препораките на експертите, зајакнете го имунитетот на време и заштитете се.
