Официјална статуа на Хари Потер ќе биде подигната на лондонскиот плоштад Лестер овој месец. Статуата, создадена од скулпторот Andrzej Szymczyk, ќе ги надополни сцените во филмската галерија „Сквер“, во која веќе се сместени споменици на ликови како што се Laurel & Hardy, Bugs Bunny, Gene Kelly додека пее Singin’ in the Rain, Mary Poppins, Mr Bean и Paddington.
„Приказната за Хари Потер ги фасцинираше обожавателите од сите возрасти со децении и се надеваме дека ќе продолжи да им носи радост на луѓето“, рече претставник на проектот.
Стаута го портретира актерот Даниел Редклиф во својата позната улога, од првата филмска адаптација на „Хари Потер и каменот на мудроста“.
Статуата ќе биде поставена на северната тераса на плоштадот во близина на местото каде премиерно беше изведена франшизата во 2001 година.
„Статуите во оваа импресивна инсталација претставуваат некои од најзначајните ликови и актери во филмската историја и ние сме воодушевени што го гледаме Хари Потер како лебди над плоштадот“, коментира Џош Бергер, претседател на глобалниот развој за франшизата Хари Потер на Ворнер Брос.
