Не можеме да се заситиме од слатките животни кои ги освојуваат социјалните мрежи, а најновата ѕвезда на Инстаграм е ежот Дарвин кој знае како да ужива во животот – а во исто време изгледа и целосно неодоливо.
Малиот еж знае да се забавува, па може да се види како Дарвин седи во фотелја облечен како рок sвезда додека држи гитара. На втората фотографија тој изгледа тотално кул со ретро очила за сонце, а неговите следбеници на Инстаграм беа воодушевени од фотографијата на која тој седи на минијатурен душек на надувување во форма на крофна и ужива во базенот.
Роузи Абле Вајт од Велика Британија го посвоил Дарвин, африканско џуџе еж, во ноември 2018 година. Фасцинирана од неговата сладост, таа сакала да им покаже на другите какво домашно милениче има и решила да ги објави неговите фотографии на Инстаграм.
Со цел да изгледа што е можно порамнето на фотографиите, Роузи го облекува Дарвин во облека што 32-годишната уметница сама ја шие или ја добива од фановите на Дарвин. Бодликавото слатко животинче е долго 15 сантиметри, а тежи само 340 грама ги освои срцата на луѓето ширум светот, а секоја нова фотографија од Дарвин привлекува насмевка и предизвикува уште поголема симпатија кон ова мало суштество.
