Инспирирани од романтиката и женственоста на шеесеттите и седумдесеттите години…
За сезоната есен/зима 2020, брендот La Perla претстави 11 нови колекции, кои вклучуваат долна облека, ноќница и лежерни парчиња. Фотографирана од Лариса Хофман во италијанска вила искапена во природна сончева светлина, новата кампања на италијанскиот бренд претставува олицетворение на суштината на интимноста, природната слобода и зајакнатата женственост.
Креативната директорка на брендот, Алесандра Бертучи, претстави модерен пристап кон романтиката со своите најнови креации. Според официјалното соопштение на брендот, тој бил инспириран од шеесеттите и седумдесеттите години, односно „историскиот период што го славел слободното уметничко движење и културната револуција, кои прифатиле романса и креативност“.
Наречени „Maison Contouring“, „Imagine“, „Flower Explosion“, „Layla“, „Floral Groove“, „Miss Sunshine“, „Fall in love“, „Good Vibrations“, „Silk“, „Maison @ Home“ и „Tree of Life“, новата палета содржи избор на елегантни стилови и основни парчиња понудени во идеални есенски нијанси. Повеќе детали можете да видите во нашата галерија.
