Многу луѓе мислат дека не можат да направат вистинско кафе-лате дома без машина за млечна пена, но дури и со мал миксер за мешање млеко без пареа, можете да му се приближите на вистинското лате.
‘Latte’ или ‘caffe latte’ е кафе пијалок што комбинира еспресо со млеко мешано на пареа и тенок слој пена. Можеби мислите дека не можете да го подготвите дома, особено ако немате посебен уред за подготовка на пена, но сето тоа е прашање на техника.
Еве го за почеток класичниот рецепт за кафе-лате ако имате машина за млечна пена:
Состојки:
- 2 шолји еспресо кафе
- полномасно млеко
Подготовка:
Истурете го еспресото во чаша. Истурете го млекото во бокал, доволно голем за да собере најмалку 3 децилитри. Навалете го малку, а потоа натопете ја цевката за пареа дијагонално во долниот десен агол на бокалот и вклучете ја. Не се чудете од звукот на пареа што патува низ цевката, тоа е нормално. Млекото ќе започне да се врти во круг.
Врвот на стапот треба да биде околу два сантиметри под површината и не треба да ги допира sидовите на бокалот. Чувајте го во иста позиција во секое време и почекајте додека не се формира кремаста и свилена пена. Меурчињата треба да бидат ситни и униформни.
Запрете ја машината за пареа кога млекото достигне температура од 60 до 70 степени – ова е температура на која сеуште можете да го држите бокалот за да не ве мачи топлината и да ја држите раката околу три секунди. Потоа, лесно допрете го бокалот неколку пати на тезгата за да ја изедначите текстурата на млекото. Конечно, полека, во тесен проток, исцедете ја пената врз кафето, така што ќе се создаде околу 1,5 инчи пена.
Како да направите лате дома?
Односот на кафе еспресо и лате млеко е 1: 4. Изберете го омиленото кафе и секаков вид млеко, и добро би било да имате специјален бокал за млеко за да подготвите кафе-лате дома.
Она што го прави посебен овој вид кафе е пенливо млеко. Затоа е важно млекото добро да се меша, бидејќи така влегува воздухот во него и ги емулгира маснотиите и шеќерот во млекото, создавајќи кремаста текстура. Значи – истурете го млекото во бокал кој има мала жица, а потоа притиснете го копчето за да започнете да мешате. Ова ќе го пени млекото без разлика дали е топло или ладно.
Друга опција е да набавите мал стап миксер со кој ќе го пените млекото без употреба на пареа, но тоа веројатно нема да биде совршено кафе лате, туку – капучино.
Имено, латето и капучиното се прават со ист ист однос на кафе и млеко, но разликата е во текстурата на млекото. Додека кај кафе-лате, акцентот е ставен на правење на густа и свиленкаста пена, кај капучиното, пената на млекото е многу воздушеста. Големината на меурчињата е поголема, а со тоа тие се и полесни, па капучиното може да има различни слоеви пена, млеко и еспресо, пренесува порталот Goodhousekeeping.
Бариста совети за најсовршено кафе од пена:
- Истурете го млекото во кафето многу бавно, бидејќи ова полека ќе ги интегрира маслата во кафето со протеините во млекото.
- Ако сакате ароматизирани сирупи (ванила сируп за ватила лате, или чоколадо за мока лате, на пример), додадете го прв во чашата. Сварете го еспресото и прелијте го, да се стопи целосно.
- Полномасно млеко создава подебела и кремаста пена која полесно ќе се вклопи со еспресото. Пареното млеко е повеќе пенливо и кремасто, но алтернатива може да биде овесно млеко, кое исто така добро се пени.
- Ако е можно, користете само штотуку мелено кафе, бидејќи она што ќе се меле многу порано го губи вкусот и аромата,
