Забавите за откривање на полот на бебето станаа голем хит низ целата планета
Тие со себе носат ниво на возбуда, што некои го поистоветуваат со самиот чин на раѓање на новороденче. Сепак, секоја од забавите има скоро идентичен изглед – пастелен декор, сини или розови балони, торта, пар што постојано се смеат и ги возбудуваат пријателите и семејството. Но, во одредени случаи, секако може да се додаде уште еден фактор на целата оваа приказна, како што е највисокиот објект во светот.
Инфлуенсерите со седиште во Дубаи, Анас и Асала Марва, речиси ја одржаа својата забава за да го откријат полот за своето бебе, додека веста за полот беше најавена на Burj Kalifi, највисоката кула на светот, висока неверојатна 829,8 метри, со 163 спрата. Отпечатокот на „It’s a Boy“ ја украси познатата зграда, како дел од оркестрираното светло шоу, на кое претходеше треперење на разни сини и розови светла што придонесоа за електричната атмосфера на настанот.
Видеото, кое беше снимено како дел од оваа приказна, исто така вклучуваше реакции на семејството – возбудени родители, двегодишно девојче Мајл и други. Идните родители имаат повеќе од 7,3 милиони следбеници на платформата YouTube, додека и двајцата имаат повеќе од два милиони следбеници на своите профили на Инстаграм. Фановите на парот имаа можност да погледнат видео кое трае петнаесетина минути, а на кое веќе пристигнаа 10 милиони прегледи и повеќе од 200.000 коментари.
Многумина сè уште шпекулираат дали парот платил за овој аранжман или дали станува збор за промотивна зделка. Сепак, некои корисници на Твитер веќе имаат „докази“ дека спектаклот ги чинел околу 130.000 долари, велејќи колку е одвратно во време кога многу луѓе немаат пари ниту за основни потреби.
