Есента е богата со најубави сезонски плодови. Свеж зеленчук и овошје ви овозможуваат да експериментирате, да ги покажете вашите кулинарски вештини и да подготвувате разни салати богати со витамини и минерали.
Еве седум едноставни рецепти за есенски салати кои се подготвуваат низ целиот свет.
КАЛИНКА + ТИКВА + АВОКАДО
Печете ги парчињата тиква во рерна на 200 C, а потоа во сад комбинирајте ги авокадото, семето од калинка, руколата, оревите и ф’стаците. Подгответе прелив од маслиново масло и оцет со капка сок од лимон.
КОМОРАЧ + ПОРТОКАЛ + ЦРВЕН КРОМИД
Печете коморач во рерна. Исечете ја пулпата на црвениот портокал на парчиња, а црвениот кромид на прстени. Комбинирајте со коморачот и послужете со слатко кисел сос , маслиново масло и морска сол.
КОМПИР + ГРАВ + КИНОА
Испечете компири и боранија, а потоа промешајте ја во нив зготвената киноа. Додадете семки од тиква и авокадо. За сос, комбинирајте оцет од црвено вино, маслиново масло, сенф, морска сол и свежа мелена пиперка.
СМОКВИ + ПРШУТА + БУЛГУР
Згответе го булгурот, а потоа додадете куркума, сол и бибер. Булгурот е храна од житни култури, направена од мелени, варени зрна од разни видови пченица, најчесто тврда пченица. Во сад, комбинирајте смокви, пршута, црвен кромид, фета сирење и ф’стаци. Послужете полеано со прелив од мед, маслиново масло и оцет.
ЛЕЌА + БЛАГ КОМПИР + СИРЕЊЕ
Испечете го благиот компир и сварете ја леќата. Измешајте ги состојките заедно со додавање на динстан кељ и парчиња фета сирење. Послужете со маслиново масло, соја сос и капка мед.
КАРФИОЛ + ФАРО (ЖИТАРКИ)
Печете го карфиолот на скара, а потоа додајте ги на зготвените житни култури, сушени домати и маслинки. Пред сервирање украсете со парчиња авокадо и послужете со маслиново масло и оцет од бело вино.
БРОКУЛА + КИНОА + БЛАГ КОМПИР
Печете брокула и сладок компир во рерна, сварете киноа. Додадете фета сирење и наут. Послужете користејќи масло од сусам како сос за повкусно јадење.
