Тие имаат над 70 години, но сепак нивниот изглед е младешки, благодарение на режимот што вклучува вежбање, специјална исхрана и грижа за себе и негуваат класичен стил со модерни детали.
Изгледаа одлично на 20 години, а прекрасни се и сега бидејќи Џејн Сејмор, Хелен Мирен, Џејн Фонда, Сигорни Вивер и Сузан Сарандон, познати холивудски актерки, стареат грациозно. Тие споделуваат грижа за телото и редовно вежбање, како и внимателно избрани оброци.
Хелен Мирен (75) има одличен стил, кој е прилагоден на нејзините години, но повторно изгледа модерно и не се плаши од отворени фустани и кроеви. Нејзината сребрена коса изгледа прекрасно, таа често носи кратки, модерни фризури.
Џејн Фонда (82) била кралица на аеробикот во 80-тите години на минатиот век, но и денес има фантастична линија. Витката актерка гордо ја носи сивата коса и е една од оние што не ја кријат.
Џејн Сејмор (69) се однесува како времето да не минува, бидејќи се грижи за своето тело и вежба секој ден, со цел да ја одржи добрата линија, еластичноста и виталноста.
Сигорни Вивер (70) има посебна елеганција, избира фустани кои се доволно затворени за нејзината фигура, но се гледа дека вежба, што е една од гаранциите за фантастично тело во подоцнежниот живот.
Сузан Сарандон (73) со години има препознатлив изглед, а покрај добрите гени, може да се заблагодари и на здравиот начин на живот што вклучува многу вежбање.
