Престојот во природа е генерално позитивно за здравјето на луѓето, физичко и ментално. Но, ова сепак не е нешто ново.
Новина е што е спроведена студија која точно утврди колку време е потребно за овој престој во природата навистина да влијае на психофизичкото здравје на една личност. Студија објавена во списанието „Nature Scientific Reports“ покажа дека тоа трае 120 минути неделно, или два часа.
Луѓето кои престојувале во природа два до три часа биле околу 20 проценти задоволни од својот живот и се чувствувале посреќни. Влијанието врз физичкото здравје е уште поголемо, до 60 проценти. Помалку од два часа поминати во природа немаа значаен ефект.
Беа земени предвид карактеристиките што влијаат на здравјето и среќата, како што се социоекономскиот статус, локацијата на живеење и демографската група.
Авторите на истражувањето нагласија дека луѓето кои се инаку физички поактивни и имаат позитивен поглед на животот, најверојатно бараат рекреација во природата. Исто така, луѓето кои поминуваат повеќе време во природа обично се движат повеќе физички.
Но, тие исто така наведоа дека и други истражувања ги покажале придобивките од престојот во природа дури и во отсуство на физичка активност. Истражувањето спроведено во Јапонија откри дека пасивното седење во природна средина само по себе има психофизички придобивки за организмот. Други истражувања покажаа дека вежбањето во природа е поповолно за менталното здравје отколку истите вежби во затворено.
