Адолф Даслер, основачот на „Адидас“, започнал да прави чевли во подрумот на неговите родители. Се придружува и брат му Рудолф. И двајцата се приклучиле на нацистичката идеологија во 1933 година и по војната, тие меѓусебно се судриле. Тогаш Рудолф ја основал Пума.
Набргу по крајот на Првата светска војна, германскиот војник Адолф Даслер (18) се вратил од бојното поле во неговиот роден град Херцогенаурах, во северна Баварија. Бидејќи веќе ја научил трговијата со чевларство, тој одлучил да отвори бизнис токму за тоа. И ова не бил необичен избор со оглед на тоа што производството на обувки во таа област била доста развиена. Почнува со мал капитал и неговите први почетоци се во подрумот за миење облека во куќата на неговите родители.
На младиот Даслер, роден во 1900 година, му помогнал и неговиот татко Кристоф, кој работел во фабрика за чевли. Многу талентиран млад човек, полн со ентузијазам, започнал да се интересира за спортски чевли и смисли нови необични модели, со сосема поинаков дизајн.
Џеси Овенс ги прославил
Неколку години подоцна, му се придружи и неговиот постар брат Рудолф. Неговата задача била продажба, и дизајн на Адолф. Тие наскоро ја пријавуваат компанијата „Gebrueder Dassler Schuhfabrik“ (Фабрика за чевли на браќата Даслер). Две години подоцна, производството започнало во фабрика од другата страна на градот.
За браќата започнал добар период, подобар отколку што можеа да очекуваат, и тие наскоро станаа официјални снабдувачи на некои репрезентации на Олимписките игри во Амстердам во 1928 година. Тие опремиле голем број спортисти и со тоа се прошириле на меѓународниот пазар.
Кога Хитлер дошол на власт во 1933 година, браќата им се придружиле на нацистите. Но, тоа не е ништо невообичаено, бидејќи ако во тоа време сакавте да работите и да имате бизнис, требало да бидете со режимот. Тие навистина не ја покажаа својата лојалност во 1936 година за време на Олимписките игри во Берлин. Афроамериканецот Џеси Овенс, кој освоил четири златни медали во тоа време, во својата победничка трка носел патики „Адидас“.
Војната ги раздели
За време на војната, на никому не му било потребно квалитетни спортски обувки, но им биле потребни воени чизми што беа доставени до Вермахт за нивните објекти. За некое време, тие дури произведуваа и противтенковски оружја во фабриката. Но, во тие години, на виделина се појавила и нетолеранцијата меѓу браќата.
Инаку, тие имале многу малку заеднички карактеристики…..
Адолф е тивок и повлечен, тој само сакал да работи и да дизајнира, додека Рудолф бил темпераментен, друштвен, секогаш подготвен да се расправа.
Тие не си помагаа премногу едни на други за време на војната, и двајцата беа на боиштата. По војната, пред американската армија, тие меѓусебно се обвиниле за тесна соработка со нацистите. Братските конфликти дополнително ги интензивирале нивните жени. Се тврди дека сопругата на Адолф имала афера со Рудолф, па дури било кажано дека нивниот најстар син е всушност дете на Рудолф.
По завршувањето на војната, двајцата браќа дефинитивно се разделија, а Рудолф основа своја компанија и ја нарече „Пума“, додека Адолф ја нарече „Адидас“ (по прекарот и презимето Ади Даслер). Двете компании беа успешни, но тие го споделија нивниот роден Херцогенаурах.
Точно се знаело кои продавници, пекари и кафулиња им припаѓаат на „адидидас“, а кои на „пума“. Цели семејства се разделувале токму поради овие два бренда.
Во кавга до крајот на животот
Дури и локалните фудбалски клубови во тој град со 20 000 жители беа дел од ривалството. Така ASV Hercogenaurah носеле три ленти, а 1 FC Hercogenaurah пума во скок.
Локалното население го користело тоа ривалство, па на пример, мајсторите кои доаѓале да прават поправки во куќата на Рудолф, секогаш носеле стари и искинати патики „Адидас“. Тие знаеја дека кога постариот брат Даслер ќе ги види нивните нозе, ќе рекол: „Извадете го тоа ѓубре, во подрумот има купишта патики на Пума, одберете неколку за себе“. Па така, бесплатно добивале нови патики.
После разделбата, некогаш обединетите браќа не кажаа ниту еден збор до крајот на животот. Тие биле погребани на истите гробишта, но на најоддалечените парцели. Никој навистина не ја знае главната причина за расправијата меѓу двајцата браќа, ниту зошто не говореле се до нивната смрт.
