Социјалните мрежи се побогати секој ден од стотици илјади слики, од различни категории.
Секој од нас ја избира содржината што ја објавува на Интернет, а таа содржина може да одреди и како другите луѓе нè перципираат.
Во морето од слики, особено се истакнуваат провокативни фотографии и селфиња..
Истражувањата покажуваат дека девојчињата и младите жени кои често објавуваат такви слики, во очите на другите, изгледаат помалку интелигентни и неспособни, во општа смисла.
„Постои голем притисок врз тинејџерки и млади жени да се претстават себеси како секси индивидуа, но ваквиот пристап може да има повеќе негативни отколку позитивни последици“, изјави Елизабет Даниелс, професор по психологија на Универзитетот во Колорадо.
Таа верува дека сексуалноста стана дефинитивна категорија за многу девојки и сигурно треба да биде дел од нивниот идентитет, но во умерени количини.
Сепак, нејзиното истражување и истражувањето на нејзините колеги од Универзитетот во Колорадо, покажаа дека повеќето луѓе сметаат дека се попривлечни и поинтелигентни оние девојки кои се претставуваат на социјалните мрежи врз основа на фотографии кои не откриваат премногу.
Од друга страна, оние девојки и жени чии профили на Инстаграм се преплавени со секси селфија, во повеќето случаи, имаат недостаток на самодоверба, што го компензираат со поставување такви слики на социјалните мрежи, со цел да добијат потврда од мажите и другите жени за тоа колку вреди – преку лајкови и позитивни коментари.
Исто така, овој вид презентација може да доведе до негативни последици, особено ако имате отворен профил.
Никогаш не знаете кои луѓе може да ги злоупотреби вашите слики.
