Корејскиот уметник Gyu Han Lee ѝ претстави на јавноста уметнички концепт наречен „ON MY SEAT“, изработен од картонски кутии на Nike.
Проектот беше претставен во изложбениот простор „003archive“ во Сеул, а брендот Nike стана модерно парче внатрешна декорација.
„ON MY SEAT“ вклучува столчиња, со стандардни и помали димензии, како и клупи.
Сите парчиња мебел се изработени од препознатливи црвени кутии со додавање на специјалните Nike SB и Air Force 1 кутии.
Дизајнерот користеше различни варијанти на бои за да го долови уникатниот стил.
На прв поглед, може да изгледа дека сите елементи се изработени од картон, но на нивните рамки и пресеци се користеше иверица, со цел изгледот да одговара на удобноста.
Изложбата „ON MY SEAT“ трае до 6 октомври, а списанието Ho3 ги издвои најубавите прикази во галеријата подолу.
