Телото е помудро отколку што мислиме. Кога ќе посветиме поголемо внимание на тоа, кога ќе станеме свесни од каде ги чувствуваме нашите емоции и дали сме напнати, згрчени или опуштени, ќе можеме полесно да разбереме какви се нашите потреби и од што треба да се ослободиме.
Вежбата Body Scan нè воведува во свет на зголемена свест за чувствата и ни овозможува да ги истражуваме искуствата што ги имаме преку сензациите и емоциите во организмот, од момент до момент. Можете да ја практикувате кога нешто ве боли, кога сте напнати, под стрес или не можете да заспиете.
За време на вежбата Body Scan, можно е да се почувствуваат целиот спектар на сензации, од топлина и леснотија до напнатост и тежина, или воопшто да не забележите никакви сензации. Поентата не е да се промени нешто, туку само да се забележи.
Додека ја правите вежбата Body Scan, вашиот зафатен мозок честопати ќе ве однесе на патување со мислите. Кога ќе забележите дека тоа се случило, нежно вратете го вниманието на делот од телото што последен пат сте го „скенирале“.
