“Само треба да изберете различна храна и да имате малку посилна волја …” и “… килограмите ќе се стопат …!“
Оваа навидум добронамерна порака што пријателите, но и многу медицински работници кои не се доволно оспособени за специјалистичко истражување за исхрана, му ја кажуваат на дебело лице е всушност, одраз на недоразбирањето и предрасудите што ги имаме сите.
Психолозите тврдат дека во најрана возраст, ние развиваме подготвеност некако да ги осудуваме оние кои се со прекумерна тежина – без оглед на тоа дали се изјаснуваме гласно или си мислиме во самите себе – колку се мрзливи, дрски или безгрижни за нивниот изглед.
Дури и покрај подоцнежното школување и пошироко разбирање на овој проблем, не ја разбираме доволно дебелината како хронична болест кон која треба да има сеопфатен став.
Лекарите и епидемиолозите се загрижени, бидејќи постои опасност, при бранот на корона вирус кој се очекува оваа есен, да се „судри“ со епидемијата на грипот. Дебелите луѓе се изложени на зголемен ризик, кога станува збор за корона вирусот.
