По се изгледа, маските ќе станат наш неопходен додаток секој пат кога ќе ги напуштиме домовите.
Иднината што можеме да ја предвидиме засега, неизбежно содржи маски, и од таа причина, многу љубители на модата одлучуваат да инвестираат во стилизирани парчиња. Дефинитивно, тоа ќе ве заштити и ќе направи да изгледате навистина одлично. Бидејќи маските покриваат повеќе од половина од нашите лица, можеби не е сосема апсурдна идејата да бидат брендирани.
Познатиот британски бренд Burberry, реши да ја лансира првата колекција на своите дизајнерски маски, во вистинско време. Тие се креирани со Nova Chec дизајн , со две различни комбинации на бои – окер и светло сина боја. Маските добија интересен, vintage дезен и се произведени од рециклирани памучни влакна, обезбедуваат ефикасност во филтрирањето на честички (PFE) и дополнително се унапредени со антимикробна технологија. Внимание им се посветува и на нивните детали, па тие доаѓаат со торбички за носење изработени од истите материјали.
Маските од Burberry ќе ве чинат околу 118 долари, што, ќе се согласите, е доста висока цена. Сепак, заработката што брендот ќе ја генерира преку нивната продажба ќе оди во добротворни цели, односно во нивниот фонд Burberry Foundation Covid-19 Community Fund. Овој фонд донира заштитна опрема во болниците и веќе има дадено неколку донации за истражување на вакцини, хуманитарни организации и компании кои произведуваат и дистрибуираат заштитна опрема. Тие веќе можат да се купат преку страницата на овој познат бренд.
