Луисвил – Синџирот на ресторани „Кентаки фрајд чикен “ привремено ќе престане да го користи долгогодишниот слоган „прсти да си излижеш“, затоа што смета дека е несоодветно во овој момент на пандемија.
Имено, во тој ланец, тие веруваат дека треба да се даде придонес во борбата против пандемијата, во која личната хигиена стана приоритет.
Во ера на маски за лице и постојано миење на рацете, каде здравствените власти ги советуваат луѓето да не ги допираат нивните лица, слоганот на КФЦ повеќе не „звучи како што треба“.
Слоганот што го користи Јам Брендс, сопственик на ланецот, цели 64 години, ќе се повлече низ целиот свет во понеделник и ќе се користи повторно кога ќе дојде време, објави компанијата.
