Новиот ACH160 Exclusive има ентериер кој целосно ги менува правилата на играта, со подобрена технологија…
Откако дебитираше оваа есен, долгоочекуваниот ACH160 Exclusive е дефинитивно подобрување во однос на претходните генерации на модели на „Ербас“. Новиот ентериер на овој хеликоптер целосно ги менува правилата на играта, благодарение на звучната изолација и пространи двојни прозорци, кои ви овозможуваат уживање во погледот, без бучава на моторот.
Создаден од „Ербас“ и дизајнер на јахти Харисон Еисгард, овој модел е дизајниран да му понуди на секој сопственик чисто платно кога станува збор за украсување на кабината – седиштата се распоредени за да ви понудат можност за деловни состаноци или приватни разговори, и да понудат доволно простор за осум лица. Секоја педа од хеликоптерската кабина е дизајнирана со удобност на патниците во умот, притоа одржувајќи минималистички, елегантен изглед.
Опсесивното внимание на „Ербас“ на деталите е далеку над технологијата и техничките компоненти. Моделот има полирани фурнири и други дрвени елементи, со осум слоја лак. Има ергономски и многу важни детали, како што е надворешно скалило кое се спушта со допир на копче и го олеснува растоварувањето.
Неговата интуитивна палуба за летање Хелионикс е исто така технички асистент на пилотите и доаѓа со два до четири мултифункционални екрани од двете страни на пилотската кабина, нудејќи информации во реално време. Функциите може да се поделат во неколку режими, така што пилотот и копилотот можат истовремено да следат различни системи.
Новите мотори на турфронизите на Сафран му даваат на овој хеликоптер брзина од 277 километри на час, со опсег од 823 километри, со 15% помала потрошувачка на гориво.
