Женска колекција BOSS CRUISE 2017

Женскиот моден бренд Boss  ја продолжува својата еволуција, со леснотија и прецизен допир кој лежи во новата колекција  Cruise 2017…

Уметничкиот директор на овој бренд,  Џејсон Ву, ја истражи својата еститка и понатаму, со комбинирање на женственоста со линеарни форми. Силуетите се опуштени со спуштени раменици и  непогрешливо женски и со чисти материјали обвиткана силуета.

Убави флуидни форми можат да се видат во прецизната изработка. Опуштените фустани имаат шеврон кој е изработен од кожа, поврзан со свиленкаст шеврон кој ја одликува прозрачноста и леснотијата на материјалите.

Чувството на геометрија се јавува и на оние места кога најмалку очекуваме дека е можно да е застапено, како на пример на нежно розово здолниште, чисти линии на елегантен фустан, или на префинета вечерна тоалета со шеврон детали.

Капутот до колена е украсен со долг фраг, кој ги издолжува нозете, додека пак едноставнот смокинг е разубавен со сатенски шал. Елегантниот вечерен фустан е разубавен со реси кои му даваат посебен изглед.

Што се однесува на аксесоарите, во понудата се нови сандали и еспадрили кои имаат на себе разни летни мотиви. Чантата  Boss Bespoke претставена е од нов материјал, но од веќе позната кожа. Луксузните мини чанти со синџирче се дел од оваа колекција кои го разубавуваат и секојдневниот изглед на секоја жена. Тоа е пораката на Boss за оваа летна сезона!