Ако некогаш сте сонувале за совршен одмор на француската ривиера, тогаш овој хотел би ве натерал веднаш да резервирате лет за Франција…
Le Mas de Pierre се наоѓа во рамките на интимниот дел на историското место Saint Paul de Vence, каде со векови мирно се наоѓаат маслинови градини и Средоземното море кои ги заштитуваат Вашите сништа и Вашето скапоцено време од секојдневните проблеми.
Во овој хотел, гостите можат да талкаат низ неговите прекрасни градини, уживајќи на врвната La Table de Pierre тераса, или едноставно да се опуштат во опкружувањето кое е величенствено и совршено декорирано. Секоја соба во овој хотел има раскошен декор и стил, кои повеќе од два века му даваат шарм и сјај. Сепак, животната средина е она шт го прави овој хотел раскошен и посебен.
Во овој хотел имате можност да одберете соба со Provencal, Romantic или Colonial тема, при што секоја од нив има vintage стар мебел, мермерни купатила и модерни ТВ сетови. Сепак, веруваме дека ќе поминете многу повеќе време надвор од Вашата соба, покрај гламурозниот базен, стаклениците со орхидеи или ароматичните градини со ружи.
Доколку патувате со пријатели или пак со Вашето семејство, овој хотел ќе Ви овозможи незаборавно ВИП искуство, кое доаѓа во престижен пакет наречен Bastide des Fleures, кој вклучува четири Prestige Junior апартмани, два Prestige апартмани, приватни базени и батлер.
Медитеранскиот вкус и уникатниот амбиент Ве очекуваат во ресторанот Le Mas de Pierre кој ќе ја задоволи секоја Ваша потреба. Задолжително пробајте Britany јастог, како и останатите специфични јадења на француската кујна, во комбинација со некое од неизбежните француски вина. Посетете го Le Mas de Pierreи вистински ќе уживате!
You must be logged in to post a comment Login