Многу често жените знаат да претераат при уредување на животниот простор. Како резултат на тоа, домот изгледа неуредно и неорганизирано. За да не ви се случи тоа, следете ги следните совети:
Неуреден ходник
Ова е првата просторија во која ќе ги поздравите гостите. Секогаш потрудете се ходникот да биде чист и уреден. Едноставен детаљ (слика или вазна) ќе го подобри целокупниот впечаток за вашиот дом.
Некористење огледало во малите простории
Ако имате мала дневна соба, тогаш огледало ќе ви помогне таа да изгледа поголема. Ставете огледала на ѕидовите или на краевите од собата. Можете да изберете разни рамки, но најважно е огледалата да бидат што поголеми. Тие, освен што прават просторот да изгледа поголем, исто така и рефлектриаат светлина и ја разубавуваат просторијата.
Претерување со мебелот
Ова е една од најголемите грешки. На ставајте премногу детали во просторијата, инаку таа ќе изгледа пренатрупано и неорганизирано. Колку помалку мебел – толку подобро. Не велиме дека треба да се откажете од основните парчиња мебел, но нема потреба за претерување.
Погрешни комбинации со бои
Комбинацијата со бои игра најважна улога во декорирање на домот. Голем број жени го забораваат тоа. На пример, ако вашите ѕидови се црвени, бирајте мебел во светла или контрастна боја.
Лошо осветлување
Знаете ли дека лошо осветлување исто така може да ја расипе убавината на вашиот дом? Важно е светлината да биде во склад со потребите на просторијата. Немојте да користите преголеми светла само за да ја декорирате просторијата. Користете светло само за да ја подобрите убавината на декорот.
Брзинско уредување на просторијата
Одвојте време да го уредите вашиот дом. Имајте на ум дека декорирањето е уметност и дека мора да се направи на одреден начин. Ако не сте сигурни како најдобро да го декорирате животниот прстор, консултирајте се со дизајнер на енетериер.
You must be logged in to post a comment Login