Како да одберете вкусно вино дури и кога немате многу пари?

Дури и најголемите стручњаци ќе ви признаат како огромниот избор на вина на полиците во продавниците може целосно да не збуни.

Всушност, секоја година на пазарот се појавуваат нови вина и веројатно никој не може да следи толкав број на нови производи.

При изборот на вина, секако дека постојат и други фактори од кои зависи Вашата одлука, но сепак еден од главните е вашиот буџет.

Следните совети ќе ви помогнат да го одберете соодветното шише вино согласно буџетот со кој располагате:

1.ОДЛУЧЕТЕ СЕ ЗА ПОМАЛ РЕГИОН

За повисока цена секако дека можете да се одлучите за вино од поголем и познат регион, но кога имате помал буџет држете се до мали региони бидејќи помалото производство секогаш значи и помал квалитет.

2.БАРАЈТЕ ШИШЕ СО СТАНДАРДНА ГОЛЕМИНА (750Мл)

Понекогаш не е лесно да се одолее на поголемите шишиња (повеќе вино за истите пари), но во тој случај ќе добиете повеќе вино со полош квалитет.

3.НЕКА НЕ ВЕ ОБЕСХРАБРУВА ПАКУВАЊЕТО КАКО ТЕТРАПАК ИЛИ КАРТОНСКА АМБАЛАЖА

Благодарение на напредната технологија, виното спакувано и во ваква амбалажа воопшто нема да изгуби на својот квалитет. Ова решение е одличен избор кога организирате некаква забава ,а сепак не сакате на гостите да им дадете лошо вино.

4. ВНИМАВАЈТЕ СО ПОПУСТИТЕ ВО ПРОДАВНИЦИТЕ

Ако видите огромни полици со вино кое е на попуст, и воопшто не ви е познато големи се шансите да станува збор за некое лошо вино кое продавницата не можела да го продаде по предвидената цена,па сега се обидува да го направи тоа преку попуст.

5.КУПЕТЕ ВИСТИНСКО ВИНО ОД ВИСТИНСКИ РЕГИОН

Некои вински региони во светот толку долго се занимаваат со производство на вино што можат да го прават тоа и со затворени очи. Имајте го предвид Бордо за  cabernet sauvignon,  Калифорнија заchardonnay, Нов Зеланд за sauvignon blanc, Германија за riesling, Јужна Африка за chenin blanc или Аргентина за malbec.

6. ОД НЕПОЗНАТИТЕ СОРТИ МОЖЕТЕ ДА ДОБИЕТЕ ПОГОЛЕМ КВАЛИТЕТ

Сигурно до сега сте слушнале за pinot noir или nebbiolo, кои се веројатно најскапите вина на светот. Но, сте слушнале ли некогаш за arinto, loureira, nero d’avola, cariñena или јможеби за albariño? Вината од овие помалку познати сорти содржи грозје кое е релативно евтино, но тоа во никој случај не се должи на слабиот квалитет.