Топ 5 модели на патики за есен 2015

Еден од најпопуларните и најудобни типови обувки се патиките! Последните неколку сезони станаа вистински хит, па можете да ги видите насекаде.

И оваа есен, покрај чизмите, патиките ќе бидат топ обувки кои ќе ги обожаваме – и поради лежерниот изглед кој го нудат и поради удобноста! Денес ви ги откривамте најдобрите 5 модели на патики за сезона есен 2015.

1. Со скриена платформа

Додека еден дел од женската популација ги обожава моделите на патики со скриена платформа која визуелно ја издолжува фигурата, а ги прави нозете повитки, постои и група девојки кои не можат да ги „сварат“ овие патики. Без разлика дали ги сакате или не, факт е дека овој модел има многу голема популарност која опстојува веќе неколку сезони, а тоа важи и оваа есен.

2. Длабоки и полудлабоки

Овие модели на патики се идеални на свежите есенски денови. Лесно може да ги заменат чизмите кога станува збор за заштита од студ или дожд, а обично поседуваат и дебел ѓон за дополнителна удобност и заштита! Најдобро одговараат со фармерки, а можете да ги најдете во најразлични облици, бои и модели.

3. Без врвки

Ова е еден од моделите кои последниве неколку сезони доживеа вистински бум. Многу практичните патики-мокасинки лесно и брзо се облекуваат, а му даваат на вашиот стил лежерен и модерен изглед. Најдобро одговараат со панталони со должина до зглобот, а постои голем избор на бои и модели.

4. Фитнес патики

Се почесто може да ги видите познатите убавици како носат елегантно здолниште или фустан и фитнес патики. Овие модели повеќе не може да се најдат само во теретаните и фитнес центрите, туку се почесто ги гледаме и на градските сцени. Припадничките на понежниот пол кои ги носат најмногу сакаат удобност. Одговараат со се – шорцеви, здолништа, фустани, фармерки…

5. Старки

Апсолутно ненадминлив и секогаш модерен модел на патики се старките. Веќе неколку сезони по ред се омилен модел на патики како во топлите месеци така и во текот на есенските денови. Поседуваат еден безвременски шарм, а нивните љубителки ги носат со се!