Ве тераат ли емоциите на бесмислено трошење?

Купувате ли понекогаш нешто што навистина не ви треба?

Дали некогаш кога сте биле под стрес сте пробале да го излечите со шопинг? Емоционалното трошење е окарактеризирано како трошење на нешто што не ви треба, кога сте под стрес, кога ви е досадно или кога сакате да ја зајакнете својата самопочит.
Импулсивното купување во моментот ви дава емоционален поттик, но долгорочно може да предизвика проблеми – парите не одат за реални потреби или за штедење или за нешто друго за што се наменети. Ако сте свесни дека се доведувате  во емоционално трошење – свесно избегнете го. Тоа значи да препознаете што ве наведува на тоа и токму тоа да го избегнете кога и да можете.
Навики
Сменете ги своите навики, така што ќе најдете нешто за да го пополните времето, наместо неодговорно да ги трошите своите пари. Пробајте да направите попис на она што сте го купиле, а реално не ви било потребно. Некои работи можат само моментално да ве задоволат, но дали ќе ви бидат исто толку потребни и важни утре?
Месечен план
Направете месечен план и не отстапувајте од истиот. Планирајќи го месечниот буџет, на виделина ќе излезат работите што навистина ви се потребни.
Размислете пред да купите нешто. Пред да купите одговорете си на неколку прашаења: “Дали навистина ви е потребно тоа што сакате да го купите?” Дали ќе ви го подобри животот?” Ако одговорот на овие прашања е “НЕ”, тогаш многу веројатно е дека подоцна ќе се чувствувате виновни ако на тоа потрошите пари.