Веќе е клише дека жените сакаат да се скрасат поради љубов, а мажите за редовен секс. Но, научниците тврдат дека тоа е вистина.
Студијата покажала дека жените се согласуваат на заеднички живот затоа што веруваат дека тоа ќе им помогне да го врзат партнерот за брак, а мажите се согласуваат на таков живот поради почестиот секс, без притоа да трагаат секс партнерки.
Резултатите од истражувањето покажаа дека партнерите сакаат да ги отстранат сомнежите дали заедничкиот живот пред брак носи ист степен на преданост како што ја имаат брачните партнери. Се покажало дека мажите и жените гледаат бројни предности на заедничкиот живот, бидејќи најмногу време минуваат заедно и ги делат животните трошоци.
– За мажите заедничкиот живот пред брак е одличен тест за самиот брак, додека жените на тоа гледаат како чекор пред брак, велат научниците.
Американските истражувачи испитувале 200 мажи и жени во своите доцни 20-ти години. Истражувањето покажа дека жените се четири пати посклони кон заедница пред брак, додека мажите многу почесто гледаат на тоа како на позитивна работа која придонесува за редовен секс.
Недостатоците на заедничкото живеење, според жените е фактот што таквото живеење нема легитимитет, додека за мажите тоа значи крај на „слободното“ живеење.
Но, одредени експерти исто така наведуваат дека жените не мора да живеат во заедница за да го врзат партнерот или за да бидат сигурни оти тој сака брак со нив. Тие истакнуваат дека жените треба да бидат сигурни во тоа од самиот почеток.
You must be logged in to post a comment Login