Има нешта кои секоја припадничка на понежниот пол посакува да и ги каже нејзиниот партнер, но ретко која од нив тоа навистина и го бара со зборови.
Еве мала листа на она што таа би го сакала:

Неочекувана прегратка

Нема тоа да ви го каже, но среќата и слаткото изненадување кое ќе го видите на нејзиното лице ако тоа го направите, вредни се за тој “труд “.

Поделете ги своите грижи

Бидете сигурни дека таа ќе забележи дека за нешто сте загрижени, дури и насмевката да не ја тргнувате од лицето. Што треба да направите? Да и се доверите, да и кажете зошто сте загрижени. Тоа е знак дека имате доверба во неа и гледате во неа и пријател, личност со која можете да разговарате за се, и не гледате во неа само девојка за секс.

Дајте и комплимент (дури и без причина)

Бидете дарежливи со комплиментите. Зошто ги штедите кога тие се влог во поубави случки, а не ве чинат ништо?

Речете и дека ја сакате

Грешите ако мислите дека тоа се подразбира само по себе и треба да го знае. Таа сака да го слушне! Не еднаш! Често. И го кажавте пред 1 година и мислите е доволно? Не!

Верност

Никој не сака лаги, па ни вашата партнерка. Заслужува да бидете искрени со неа и тоа и го очекува, иако можеби нема да ви го рече.

Застанете во нејзина одбрана

Колку и да изгледа сигурна и самоуверена, секоја жена инстинктивно бара поткрепа, особено од партнерот. Дури и да не се согласувате со неа во некоја прилика, подобро премолчете, отколку отворено да и се спротивставите. А најдобро, застанете во нејзина одбрана кога некој ја обвинува. Е тогаш навистина ќе ви биде благодарна. Бидете покрај неа и покажете и дека на вас може да се потпре и да смета.

Почитувајте ја нејзината приватност

Таа можеби е ваша девојка/жена, но не заборавете дека има и свој сопствен идентитет. И треба простор да се развива, впрочем како и вам што ви треба.

Претставувајте ја на другите со гордост

Погледнете ја со љубов во јавност, покажете мал знак на внимание или нежност. Заради тоа сигурно ќе се чувствува пријатно и посебно. Запомнете дека жените не се создадени за да ги разберете, туку за да ги – сакате.