Во авионите можно е наскоро да седиме на седишта слични како оние на моторите, со што би се заштедило на простор во самиот авион. Колку таквиот лет ќе биде удобен, можеме само да замислиме.
Овој патент го предложиле од “Ербас”, а изумителот Бернард Герин вели дека идеата е патниците да седат поблиску едни до други, со што ќе се добие повеќе простор. Дијаграмите кои Герин ги приложил заедно со патентот, покажуваат дека седиштата се фиксирани на шипка, многу слично како седиштата на моторите.
За чувството да не биде баш како да се возите на велосипед или мотор, позади секое седиште се наоѓа мал потпирач за грбот и подвижен потпирач за рацете.
Според мислењето на Бернард Герин, ваквиот дизајн на седиштата би требало да го зголеми капацитетот на авионот за третина. На пример, во авионот “ербас А319”, наместо 52 патници, би можело да патуваат 156 патници.
Тој додава и дека удобноста е намалена, но поднослива за патниците, особено на кратките летови, како и дека основната цел е да се пренесат што повеќе патници.
httpv://www.youtube.com/watch?v=SvAHtBb8Pxw
You must be logged in to post a comment Login