По неверојатно успешната колекција на фустани и предизвикувачка долна облека, убавицата Dita Von Teese во мај ќе ја претстави и новата линија на очила.
Се работи за нејзиниот најнов авторски проект на рамки за очила наречен „Dita Von Teese Eyewear“.
Металните и пластични рамки во популарна мачкеста форма се инспирацијата за оваа колекција, направена во соработка со John Juniper, ко-основачот на компанијата DITA Inc.
„Не сакам да носам автентични винтејџ очила бидејќи нивните пропорции денес не одговараат на обликот на лицето. Најчесто се премногу мали и делуваат како да се правени за нашите баби“, изјави Dita.
Нејзината линија на очила ќе биде глобално достапна на почетокот на следниот месец. Пред да се впушти во креирањето на линија на очила, освен фустани и долна облека, Dita дизајнираше и серија парфеми, кои беа промовирани во мај минатата година.
You must be logged in to post a comment Login