Ново истражување кое се однесува на вегетаријанскиот начин на исхрана, донесе неочекувани резултати. Имено, вегетаријанците, многу почесто од месојадите заболуваат од карцином, ментални болести, алергија.
Сите лекари и нутриционисти препорачуваат исхрана која е богата со овошје и зеленчук, но најновото истражување покажало дека на човековиот организам му треба и месо. Оние кои не го конзумираат, воопшто не се поздрави од месојадите.
Вегетаријанците имаат двојно поголем ризик од алергија и 50 проценти поголем ризик од срцев удар или рак. Исто така, значително е поголема веројатноста дека ќе заболат од депресија, покажала студијата на научник од Медицинскиот Универзитет во Грац, Австрија.
Меѓутоа, истражувањето покажалао дека вегетаријанците во некои сегменти сепак се поздрави од месојадите. Бројките покажуваат дека тие обично се поактивни, помалку конзумираат алкохол, поретко пушат и имаат понизок индекс на телесна маса.
Истражувањето исто така покажало дека на вегетаријански начин на исхрана почесто се одлучуваат лица од повисок социо-економски статус.
Што се однесува до земањето лекови, можеби нема да верувате, но вегетаријанците користат повеќе лекови и суплементи за разлика од месојадите.
You must be logged in to post a comment Login