Мало кожно здолниште е еден од класиците во гардероберот на секоја жена. Кратки и секси или романтични и стилизирани со каиш, здолништата од мека кожа се “must have” кој го сакаме секоја сезона. Ви претставуваме три идеи за комбинирање на кожно здолниште оваа топла сезона!
Лежерна комбинација
Маички во должина на папок во комбинација со кожни здолништа од различни должини е прав погодок оваа сезона. Со оваа комбинација може да се носат високи потпетици, но бидејќи станува збор за лежерен стајлинг, ние ви предлагаме удобни патики.
Деловна комбинација
Кожата во комбинација со класична кошула во сина боја изгледа многу софисицирано и примерно во деловната средина. Ако сакате на целата комбинација да и дадете модерен призвук, одлучете се за чевли на риги.
Вечерна комбинација
Сакате да изгледате модерно, кул и да оставите впечаток дека ја сакате модата? Поиграјте со различни модели кои се совршени за топлата сезона во која почнавме да уживаме. Чевлите и чантата нека бидат во весел принт, а кошулата во секогаш модерните риги!
You must be logged in to post a comment Login