Се си има свои предности и мани. Тоа важи и за исхраната, па дури и за онаа здравата. Ви откриваме во кој случај здравите намирници и не се толку ефикасни за вашиот организам како што би очекувале.
Здравата исхрана секако е препорачлива. Меѓутоа, ако јадете постојано една иста намирница, тоа не е добро. Балансираната исхрана е онаа која содржи адекватни количини на десетина различни хранливи состојки кои се потребни за вашиот организам. Тоа е невозможно да се постигне ако не консумирате широк спектар на овошје и зеленчук, житарици и протеини.
Покрај тоа, кај честите косумирања на исти намирници се заканува уште една опасност. Вашата исхрана може едноставно да ви здодее што може да предизвика желба за некои други, помалку здрави, намирници.
Најдобро е да ја освежувате исхраната. На пример, зеленате салата заменете ја со салата од виолетова зелка или пробајте некое ново егзотично овошје. Во секој случај – експериментирајте.
You must be logged in to post a comment Login