Познатиот појас на Мухамед Али на WBC „Rumble in the Jungle“ неодамна беше продаден за неверојатни 6,18 милиони долари на сопственикот на Индијанаполис Колтс, Џим Арс…
Металниот појас во златна боја има зелена кожна лента и достигна 13 пати повеќе од проценетата цена на аукција одржана во Далас, Тексас. На продажба го понудил американскиот бизнисмен Трој Кинунен, кој за време на својот живот собрал 1.600 предмети поврзани со најдобрите боксери во светот.
Мухамед Али го освоил појасот во 1974 година, откако го победил Џорџ Форман во Заир, каде што првпат ја искористил својата тактика со јаже за да стане светски шампион.
Шампионскиот појас на Али ќе биде изложен на 2 август во Чикаго, а на 9 септември во Индијанаполис. Другите артикли понудени на Heritage Auctions ја вклучуваа црвената наметка што Али ја носеше пред борбата на векот со Џо Фрејзер и неколку други сувенири кои му припаѓаа на боксерот.
