Connect with us

Hi, what are you looking for?

runway

Fine Living

Сицилијанскиот замок од филмот „КУМ“ штотуку излезе на пазарот – Ѕирнете внатре!

Сега можете да поседувате дел од италијанската (и холивудската) историја.

Трилогијата „Кум“ на Френсис Форд Копола е едно од најпознатите и најпопуларните дела на филмската уметност некогаш направени. И сега, можете да го поседувате прекрасниот италијански замок кој е истакнат во третиот дел од франшизата.

Неверојатниот имот, познат како замок на семејството Пенизи, се простира на огромни 4305 квадратни метри и е навистина погоден за (холивудски) кралски семејства. Историјата на големиот имот датира од крајот на 19 век, кога баронот Пенизи го покани архитектот од Палермо, Џузепе Матрикол, да изгради вила за неговата богата колекција на уметнички дела.

Резултатот беше еклектичен неоготски објект составен од три двокатни згради и две кули.

Импресивниот замок се карактеризира со неверојатни мермерни скалила, високи тавани и камени заоблени столбови. Арките придонесуваат за чудната атмосфера на овој уникатен имот, додека геометриските обрасци во златна и сина боја се граничат со таваните, а византиските украси и слики ги исполнуваат ентериерите.

Замокот има 22 спални соби, осум бањи, винарска визба, уметничко студио, библиотека, мала капела (украсена со фантастични фрески од Џузепе Сути) и два големи балкони со поглед на бујниот парк.

„Тоа е имот кој изразува силен карактер и ужива огромен потенцијал, поради својата историја, локација, архитектура и простор“, напиша првиот човек на компанијата за недвижности Residential Italy. „Откако ќе се обнови, може да се прилагоди на различни потреби и модерни вкусови без да се промени оригиналната структура.

Имотот стар 140 години за чудо го преживеал разорниот земјотрес во 1908 година што ја потресе јужна Италија и го уништи сицилијанскиот град Месина. За време на Втората светска војна, британската армија го бомбардирала Ациреале, мало крајбрежно гратче во кое се наоѓа замокот, но повторно имотот не претрпел никаква штета. Живописниот град има многу историски места, вклучувајќи ја и најстарата уметничка академија на Сицилија и поглед на Јонското Море.

Замокот на семејството Пенизи Флористела доаѓа со цена од 6,8 милиони долари. Сметаме дека е време да започнете да ги живеете вашите најлуди „La Dolce Vita“ соништа.

Advertisement
Advertisement
Advertisement

Прочитај

____совети за врска

Машко – женските пријателства секогаш се интересна тема за дискусија. Многумина веруваат дека е невозможно маж и жена да останат само пријатели кога постојано...

Cotton Club

„H&M“ сè поинтензивно ја надополнува модната понуда за следната сезона. Шведскиот бренд презентираше нови модели од колекцијата пролет 2016. Едиторијалот ни напомнува дека бохо...

____совети за врска

Група истражувачи дојде до заклучок дека жените кои се задоволни во врската не ни размислуваат да го изневерат партнерот, бидејќи во секое друго момче...

Advertisement